الرسام محمود عاشور في حديث خاص لحكاوي نيوز

 

 

حوار: ليلى إمام

الرسم لديه فن وموهبة جميلة، وأخلاق قبل الموهبة، الرسم شعور وإحساس، معنا اليوم في حديث خاص الرسام “محمود عاشور أحمد ” يبلغ من العمر 21 عاما، من محافظة سوهاج.

متى بدأت رسم، وهل هي موهبة ولا لأ ؟

هي موهبة والحمدلله فضل من ربنا عز وجل، بدايتي في الرسم كانت في الابتدائية ومن ثم الاعدادية ولكن كبداية فعلية في رسم البورتريه والديجيتال آرت بدأت بعد الثانوية العامة.

إزاي بتنمي موهبتك؟

بالرسم المستمر والاستعانة ببعض الرسامين أصدقائي لو في حاجه مش عارفها بيقولولى عليها.

 

مين بيشجعك إنك تكمل؟

كل اصدقائي وقرايبي وأخواتي وأخواتي الرسامين ودورهم الفعال في الدعم والتشجيع المتواصل.


بتحب ترسم أي ؟

بورتريه أكتر حاجه بجانب بعض الحيوانات والطبيعة الصامتة.

 

بترسم بأدوات أي؟

اقلام فابر كاستل واسكتش كانسون وأدوات الفرش واقلام الدمج وغيرها.


أي أكثر رسمة ليها ذكرى معاك وعجبت ناس كتير؟

رسومات الاطفال في المقام الاول وبعض صور المشاهير.

كلمنا عن أساسيات الرسم ؟

رسم العيون والانف والفم والشعر والتدريب على التظليل.

 

ما هي مميزات الرسام الناجح من وجهه نظرك؟

التواضع ومساعدة الغير اذا استطاع ذلك.


مين قدوتك في المجال؟

رسامين كتير جدا جدا وأصدقاء ليا وفخور جدا إني اتعرفت عليهم وبدون ذكر أسماء عشان منساش حد فيهم لكن هما عارفين نفسهم كويس.

هل السوشيال ميديا ساعدتك إنك تتعرف، وإنك تتعلم أكتر؟

اكيد طبعا حاجه زي الفيس بوك والانستجرام والواتساب خلتني تواصلت مع فنانين كبار أوي
ومنهم ساعدوني بجد إني اتطور.

هل في صعوبات بتواجهك؟ أو اي انتقادات اتقدمتلك؟

أكيد طبعا منهم بيصفني بالغرور ومنهم بيصفني بالتكبر عليهم وبعض الانتقادات التانية وبعض الانتقادات لمحاولة تقليل ثقتي بنفسي وضياع شغفي.

نصيحه لكل مبتدئ في هذا المجال؟

لو حسيت في بداية طريقك إنك مش هتتحسن وإنك مش هتبقي في المستوي اللي نفسك توصله متصدقش احساسك دا ثق في ربنا ثم في نفسك إنك هتوصل بالمحاولة والاستمرار ومافيش مستحيل طول ما ربنا موجود.

اترك رد

لن يتم نشر عنوان بريدك الإلكتروني.


Warning: PHP Startup: uploadprogress: Unable to initialize module Module compiled with module API=20190902 PHP compiled with module API=20210902 These options need to match in Unknown on line 0