الفنان حسام في حوار خاص لحكاوي نيوز

كتبت: ليلى إمام

 

عرفنا بنفسك؟

أنا حسام مهندس عماره وعندي هوايه الرسم من زمان وبدأت اطورها كل فتره لحد ما بقيت برسم على الجداريات واللوح وكل حاجه تقريبا .. وبحاول اخلي الرسم محتوي مسلي يعجب كل الناس حتى اللي مش بيحب الرسم وعندي اكتر من مليون متابع على السوشيال ميديا.

امتى بدأت رسم؟

من وانا صغير وانا برسم بس البدايه بجد كانت في الكليه لأن قسم عماره فيه جزء معتمد على الرسم بردو والتخيل والفري هاند بيعتمده عليه كتير فأول سنة عماره ف من هنا كان في تشجيع وبردو نزلت شغلي على تويتر في الفتره دي والناس كانت بتشجعني جدا أكمل.

 

هل الرسم موهبة ولا لأ؟

جزء صغير منها موهبه بس أكيد التدريب والرسم الكتير بخامات مختلفه هو ده اللي بيعلم بجد.

 

ماذا تحب أن ترسم وماذا تستخدم من أدوات ؟

بحاول اجرب وارسم بكل الخامات وبردو اني ارسم على حاجات مختلفه غير الورق يعني تقريبا بقالي سنتين مبرسمش على ورق خالص.

مين بيشجعك؟

اهلي طبعا أول ناس وبعدها الناس اللي بتشجعني دايما بصراحه على السوشيال ميديا.


بتجيلك أفكار الرسم منين؟

بتفرج كتير على شغل ناس تانيه وبردو في برامج زي بينترست بشوف عليهم كتير مع الوقت بيتكون افكار و بستفيد من خبرتهم ف بلاقي افكار لنفسي.

 

في صعوبات بتواجهك؟

اه في اكيد علشان بردو انا عايز اخليها شغلانه انا بحبها وبكسب منها فلوس ف ده صعب شويه في مصر لأن ده مش موجود خالص تقريبا .. و بردو في ناس كتير مش مهتمه بالمجال ده.

إزاي اشتهرت ؟

الحمدلله طبعا ده توفيق من ربنا في الأول والآخر لأني حاولت كتير جدا الاول ومكنش في اي نتيجه .. بس في فتره أول مبدأت كنت على تويتر فهمت منه السوشيال ميديا وكده .. ولما رجعت كان على إنستجرام نزلت فتره كبيره وبعدها نزلت فيديو بالصدفه على تيك توك طلع ترند .. فاديت اولويه لتيك توك لأنه اسهل في الانتشار ووصلت ٥٠٠ الف متابع في ٣ شهور وده صعب جدا في مجال زي الرسم لان الفيديو الواحد ممكن ياخد اكتر من ٣ ايام شغل وتصوير.

ما هو حلمك؟

انا مهندس معماري في الاصل ف نص الحلم اني ابقي معماري شاطر جدا وعندي شركه مش مكتب والنص التاني اني ابقي اشطر رسام في الوطن العربي واخلي الرسم شغلانه قويه جدا وممتعه.

اترك رد

لن يتم نشر عنوان بريدك الإلكتروني.


Warning: PHP Startup: uploadprogress: Unable to initialize module Module compiled with module API=20190902 PHP compiled with module API=20210902 These options need to match in Unknown on line 0